धनेश्वर भगवान दोर्जे शुग्देन। दया, धन र शान्तिको रक्षक।
हाइ-रिजोल्युसन फाइल डाउनलोड गर्न फ़ोटो म क्लिक गर्नुहोस्

भगवान दोर्जे शुग्देन को हुन।

धेरै कल्प अघि भगवान आर्य मन्जुश्रीले काठमाडौं उपत्यकाको पानी वरपरको डाडा काटी पानी निकास गरेर नेपाल र काठमाडौं उपत्यकालाई आशिष दिनु भएको थियो। यसले गर्दा जमीन सुख्खा भई बस्न र जीवनयापन गर्न सजिलो भयो। त्यसै गरी फलफूल, झरविरुवा, फुलहरु र घाँसहरु फल्न थाले र मानिसहरुले विभिन्न व्यापार, व्यवसाय गरि आफ्नो परिवार तथा मठमन्दिर बनाउन थाले।

मन्जुश्री, भगवान हुन् र भगवानका धेरै अवतार हरु हुन्छन्। ती विभिन्न भगवानका अवतार अनगिन्ति र असङ्ख्य रुपमा देखा पर्छन्। भगवान कुनैपनी रङ, पृष्ठभुमि, रुप, लिंग र क्रोधीत तथा शान्त रुपमा देखा पर्न सक्छ। भगवानको रूपको कुनै सिमित हुदैन। त्यसैले, भगवान कुनै पनि रूपमा प्रकट हुन सक्नुहुन्छ। नेपाल र काठमाडौंका उपत्यकाको भगवान आर्य मन्जुश्री दया, धन र शान्तिको भगवान दोर्जे शुग्देनको रुपमा प्रकट हुनु भएको हो।

संरक्षक भगवान दोर्जे शुग्देननै यही भगवान मन्जुश्रीको अवतार हुन्। दोर्जे शुग्देन एक मुहार र तीन आँखाको साथ प्रकट हुनु भएको छ। जुन तेस्रो आँखाले संसारिक सत्यको वास्तविकता देख्छ जसको कुनै सिमित छैन। उहाँ एक भिक्षुको रुपमा हुनुहुन्छ, जो गोलो टोपी लगाएको छ जसको अर्थ उहाँ हामीलाई सहयोग गर्न उक्तगतिमा आइपुग्छ। उहाँले मन्जुश्रीको तरवार बोक्नु भाको छ जसले हाम्रो समस्या, विपत्ति तथा बाधाहरु हटाउछ। उहाँले आफ्नो हातमा मुटु (इच्छा पुरा गर्ने रत्नको प्रतिक हो) बोक्नु भको छ र भक्तहरुको इच्छा पूरा गर्छ भन्ने सङ्केत मानिन्छ। उनको भिक्षुको राजवस्त्र पहिरन, जसले पुर्ण नियुक्त भिक्षुको रुपमा अरुलाई दया, करुणा तथा उदारता दर्साउछ। उहाँ जनावरका राजा सिंहमाथि आसन गरेको छ जसले धर्म संरक्षक राजाको रूपमा सङ्केत गर्छ। यस बाहेक उहाँको ज्वालाको उर्जाले सबै नकारात्मक विचार, शारिरिक समस्याहरुलाई नस्ट गर्छ। यो एक महान ज्ञान हो जुन हामी सबैमा निहित छ।

तसर्थ, जब हामीले भगवान दोर्जे शुग्देनलाई प्राथना गर्छौ, हामी जुनै पनि धर्मको हुन सक्छौं। हामीलाई हाम्रो संस्कृति परिवर्तन गर्नुपर्ने आवश्यक छैन। भगवानको कुनै धर्म हुदैन, कुनै नाम वा रुप, कुनै प्रारम्भ या अन्त्य हुँदैन। यो त केबल मानिसले सिर्जना गरेका विभिन्न नाम, स्तर र सिमा मात्र हुन्। यसरी, हामी जुन हौ, त्यही धर्ममा बस्न सक्छौं। चाहे त्यो हिन्दु, बौद्ध या कुनै धर्म किन नहोस्, हामी भगवान दोर्जे शुग्देनलाई प्रार्थना गर्न सक्छौं। यदि हामी अरु प्रति निस्कपट, उदार हृदय र दयालु भएमा उहाँले हामीलाई आशिष दिनुहुनेछ।

भगवान दोर्जे शुग्देनका अभ्यासका फाइदाहरु:

भगवान दोर्जे शुग्देनले हामीलाई विभिन्न पक्षमा सहयोग गर्नुहुन्छ। उहाँले विधार्थीहरु, चिकित्सकहरु, व्यापरीहरु, परिवारहरु, किसानहरु र जादू, आत्मा र निराशाबाट पीडितहरुलाई पनि सहयोग गर्नुहुन्छ। उहाँले हामीलाई सुरक्षा पनि दिनुहुन्छ।

१. विधार्थीहरुको लागि:

विद्यालयमा राम्रो गर्न चाहने, उत्कृष्ट अङ्क ल्याउने, ज्ञान हासिल गर्न विवेक बढाउने जसले भविष्यमा राम्रो काम खोजी अाफ्नो परिवार, गाउँ, शहर र देशको भलो गर्ने विधार्थीहरुले भगवान दोर्जे शुग्देनलाई भरोसा गर्न सक्छन्। उहाँको मन्त्र दैनिक रूपमा जपेमा ज्ञान, स्पष्टता र राम्रो स्मृति प्राप्त गर्न सकिन्छ।

२. चिकित्सकहरुका लागि:

चिकित्सकहरु यस्ता व्याक्ति हुन्। जसले मानव शरीरबाट पिडा र शरिरिक समस्याहरु हटाउँछन्। जब कुनैपनी पृष्ठभुमिका चिकित्सकहरुले भगवान दोर्जे शुग्देनको प्रार्थना र मन्त्र दैनिक रूपमा जपेमा, चिकित्सको क्षमता अझ वृद्धि हुन्छ। यसका साथै, भगवान दोर्जे शुग्देनको शक्तिशाली मन्त्रले बिरामीको शरीरभित्र चिकित्सक मार्फत प्रवेश गरी उनीहरुलाई पुर्णरुपमा निको पार्न मद्दत गर्छ। त्यसैले चिकित्सकहरुको लागि यो एउटा उत्कृष्ट मन्त्र हो। जसले बिरामीहरुलाई निको पार्न मद्दत गर्दछ।

३. व्यापारीहरुको लागि:

जो व्यक्ति जसले निजी व्यापारको क्रममा धन आर्जन गरी आफ्नो परिवारको हेरविचार, जिम्मेवारीका लागी धेरै दिशा निर्देशन, दलहरुबाट थुप्रै समस्याहरु मुठभेड गरेको हुन सक्छ। त्यसैले जब एक निष्कपट व्यापारी पुर्णरूपमा भगवान दोर्जे शुग्देनलाई फूल, धूप, चिया र बत्ती चढाई दैनिक रूपमा दोर्जे शुग्देनको मन्त्र जप गरेमा, उसले राम्रो स्थान हासिल गरी आफ्नो परिवारको हेरविचार, आवश्यकता पूरा गरी सहयोग गर्न सक्नुहुन्छ।

४. परिवारको लागि:

परिवारमा समस्या, बेसदभाव, अबुझ तथा तर्कहरु हुन्छन् जसका कारण कहिलेकाहीँ परिवार बिछोड हुन सक्छ र जब परिवारमा बेसदभाव र समस्याहरु हुन्छन्, तब बालबच्चा, अभिभावक तथा वृद्घहरुलाई मर्का पर्न जान्छ। परिवारमा थप सदभाव र शान्ति छाउनको लागि परिवारका सबै सदस्यहरु एक आपसमा बसि ईमानदारीपुर्वक, आदरपुर्वक विषयबस्तुहरुको छलफल गर्नुपर्छ। दोर्जे शुग्देनको दैनिक पाठपूजा गरेमा, परिवारमा अझ बढी सदभाव र शान्ति छाउने छ।

५. किसानहरुको लागि:

किसानहरु जमिन र अाफुले फलाएको अन्नबालीमा विश्वास गर्छन्। उनीहरुको गर्मी याममा कडा परिश्रम हुन्छ। कहिलेकाहीँ हिलोमा गोरुसंग रोपईका लागी बर्षा र घामको प्रतीक्षा गर्नुपर्दछ। अनन्त हिउँदयामको लागी, किसानहरूले उब्जाएका ती अन्न ऐश्वर्या भित्र्याउछन्। जब किसानहरूको अन्नबाली उब्जाउ वा उब्जेको अन्नबाली विभिन्न कारणले नाश हुन्छन्, तब किसानहरू एकदम समस्यामा पर्दछ।

त्यसैले किसान र किसानी परिवारले आफ्नो घरमा भगवान दोर्जे शुग्देनको स्थापना गरी प्रार्थना गरेमा राम्रो हुनेछ। उब्जनीको लागी सधैं भगवान दोर्जे शुग्देनलाई जल, फुल, धुप र बत्ती चढाई दैनिक प्रार्थना गर्नु राम्रो हो। र राम्रो खेतीका लागि किसानी परिवारहरु भगवान दोर्जे शुग्देन माथि विश्वास र भरोसा गर्न सकिन्छ।

६. असाधारण पीडितहरु लागी:

कोही व्यक्तिहरु अरुको सफलतामा ईष्र्या गर्छन्। कोही व्यक्तिहरु रिस, तर्क, असहमति तथा अन्य कारणहरुले अरुसंग खुसी हुदैनन्। यसको नतिजा स्वरुप, कहिलेकाहीँ कुनै मानिसहरुले टुनामुना, जादू, मन्त्र र अनुष्ठान द्वारा अरुलाई हानी र चोट पुर्याउन शक्तिशाली मानिसहरुसंग सम्पर्क गर्न सक्छन्। कुनै व्यक्ति जादुमा विश्वास गर्छन् भने, कुनै व्यक्ति गर्दैनन् तर विश्वास गरे पनि नगरे पनि, जादु टोना अझै पनि छ र कहिलेकाहीँ यसले हानी पनि पुर्याउनु सक्छ।

दोर्जे शुग्देनलाई दैनिक लगातार प्रार्थना गरेमा, समयको क्रमसँगै जादु टोनाबाट मुक्ति र साथै ईष्र्यालु दलहरुको जादु टोनाबाट क्षति हुन बाट सुरक्षीत हुन सकिन्छ। भगवान दोर्जे शुग्देनले कुनै दलहरूलाई क्षति पुर्याउनु हुन्न तर हामीलाई सुरक्षा दिनु हुन्छ।

७. आत्मा द्वारा परेशान भएकोहरुका लागि:

निश्चित गल्लि, बाटो, उपत्यका, जंगल तथा मसानघाटहरुमा शक्तिशाली प्रेत आत्माहरुको बाँस हुनसक्छ। प्रेत आत्मा ती हुन जो मृत्युु पछी हलचल गर्न सक्दैनन् र पुर्नजन्म लिन सक्दैनन् र उनीहरु दुखी, उदास र समर्पित क्षेत्रमा रहेका हुन्छन्। कहिलेकाहीँ यस्ता आत्माहरुले अरुलाई दुःख दिन्छन्, तर्साउछन्, रोग आदि सृजना गर्छन् र समस्या खडा गर्छन्।

यस्ता आत्माहरुलाई मुक्ति दिनु पर्छ। हामी तिनीहरुबाट डराउनु हुदैन र हामीले उनीहरु प्रति महान करुणा देखाउनु पर्छ। भगवान दोर्जे शुग्देनका मन्त्र जप द्वारा यस्ता आत्माहरु प्रति महान करुणा देखाएर र सृजना गरेर ति आत्माहरुलाई मुक्त गर्न सकिन्छ र उनीहरुले हामीलाई थप दु:ख दिन सक्दैनन्।

८. मानसिक चिन्ताद्वारा पीडितहरु लागी:

मानसिक चिन्ता दिमागको त्यो अवस्था हो जसमा हामी निराशा र दु:ख अनुभुति गर्छौ। हामी त्याग्न चाहान्छौ, हामी संघर्ष गर्न चाहन्नौ र हामी हाम्रो भित्रि शक्ति गुमाउँछौ। हामी जीवनको एक पछी अर्को समयमा हामी मान्सिक चिन्ताबाट पीडित हुन्छौं। यो निको हुन सजिलो छैन। कहिलेकाहीँ यो चिकित्सकीय (नैदानिक) कहिलेकाहीँ मानसिक वा कहिलेकाहीँ गलत तरिकाको सोचाई हुन्छ। यदि यो चिकित्सकीय भएमा हामीले पेशाकर्मीबाट सहायता लिनै पर्छ। तर यदि यो अस्वस्थ शरीर वा अस्पष्ट दिमाग गलत दृष्टिकोणबाट उत्पन्न अन्य प्रकारको मानसिक पिडा भएमा भगवान दोर्जे शुग्देनको मन्त्रको जपले हाम्रो मानसिक पिडाबाट निको हुन र सहयोग गर्न सक्छ वा पिडाबाट मुक्त हुने सहायता पत्ता लगाउन सहयोग गर्छ। मानसिक पिडामा यो महत्त्वपूर्ण छ कि वेचैनहरुबाट मुक्त हुन भगवानसंग मात्र भर पर्नु हुदैन, तर सहि समयमा सहयोग पनि खोज्नुपर्छ।

९. सुरक्षाको आवस्यकता भएकाहरुको लागि:

समय अनुसार हामीले इच्छा नहुदा पनि खतरायुक्त, टाढा, अपराध र प्राकृतिक प्रकोपयुक्त विभिन्न स्थानहरुमा यात्रा गर्नु पर्ने हुन्छ। यी स्थानहरुमा यात्रा गर्न हामी अत्यन्त होशियार हुनुपर्छ। यदि हामीलाई केहि भएमा हाम्रा परिवारलाई पिडा हुन्छ। यात्रा अघि वा यात्रा अवधिमा पूजा गरेर, मन्साउनी चढाएर र भगवान दोर्जे शुग्देनको प्रार्थना र मन्त्र जाप गरेर हामी सुरक्षित हुन सक्छौ।

महत्त्वपूर्णसुझाव:

तपाईं दोर्जे शुग्देनलाई शान्तिको लागि दैनिक भजन प्रार्थना गर्न सक्नु हुन्छ जसको शिर्षक, सम्पत्ति, शान्ति र सुरक्षाको दैनिक अनुरोध समावेश छ। दोर्जे शुग्देनको पूजा र प्रार्थना लक्ष्मी, गणेश, दुर्गा, काली, ब्रहमा, शिव, कृष्ण वा अझ जुनैसंग पनि पूजा गर्न सकिन्छ। तपाईंको भगवान जुन भएपनि तपाईंले भगवान दोर्जे शुग्देनको पूजा एकैसाथ गर्नु सक्नुहुन्छ।

कहिल्यै पनि मासु, रगत या काटमार गरिएको वस्तु दोर्जे शुग्देनलाई चढाउनु हुँदैन। बरु तपाईंले दही, दुध, चिया, जल, धुप र बत्ति चढाउनु सक्नुहुन्छ। दोर्जे शुग्देन, भगवानको अवतार हो र भगवानलाई पशुपंक्षीको बलि चढाउनु मिल्दैन।

निष्कर्ष:

सबै नेपालीले आफ्नो संस्कृति, भाषा र धर्मप्रति गर्व गर्नुपर्छ। नेपालीलाई अर्को धर्ममा परिवर्तन गर्न आवश्यक छैन। आफ्नो धर्म संगै भगवान दोर्जे शुग्देनलाई अाफ्नो संस्कृतिमा समावेश गरि प्रार्थना गर्न सकिन्छ। हामीले हाम्रो धर्म परिवर्तन गरेर, हाम्रो पहिचान र संस्कृति भगवानलाई भेटि स्वरुप चढाऐमा, यसले हाम्रो इतिहास, राष्टिय एकता र हाम्रो परिवारहरूमा अवरोध पुर्याउन सक्छ।

भगवान दोर्जे शुग्देनले सबैको भलो गर्नुहुनेछ, सबैलाई सहयोग गर्नु हुनेछ र सबै स्तर र पृष्ठभुमिमा सबैलाई मद्दत गर्नु हुनेछ। भगवान दोर्जे शुग्देन एक विशेष अवतार हुन् जो कलियुगको समयमा हाम्रो समस्याहरु हटाउन यस संसारमा प्रकट हुनु भएको हो।

सबैलाई शन्ति प्राप्त होस्।
छेम रिन्पोछे।

दोर्जे शुग्देनलाई छोटो प्रार्थना:
“सम्पति, शान्ति र सुरक्षाको दैनिक अनुरोध”

यो दैनिक दोर्जे शुग्देनलाई प्रार्थना, २५ औ छेम रिम्पोछे द्वारा विहिबार, २६ फरबरी २०१५ बिहान २:०३ मा रचना गर्नु भएको हो।

स्वर्गमा अनगिन्ती देवत्वहरु छन। ती सबै देवत्वहरुले सबै प्राणीहरुको फाइदाका लागि विभिन्न पक्षहरु देखाएको छ। दैवका रूपकाय स्वरूपमा दया, कुशल माध्यम र बुद्धि विवेक छन्। हामी हाम्रो अदुरदर्शिताको कारणले मात्र हाम्रा भावनाको सम्पुर्ण श्रृङखलाको दौरान हामी निरन्तर खुशी, दुखी, निच भएको, हराएको, भरिपुर्ण, दोधार र रित्तो महशुस भएको समयमा उनीहरूलाई आह्वान गर्दछौं।

महान बुद्धिजीवी दोर्जे शुग्देन, हाम्रो स्वभावलाई विचार गर्दै आमाबुबाको एक मात्र बालकको रुपमा लिनुहोस्।

दिव्यको लागि हामीबाट भेटी तथा उपहारको आवस्यक नपरेपनि हामीलाई सर्बोच्च मन्जुश्रि दोर्जे शुग्देनको आशीर्वादका लागी चिया, धूप र मन्त्र भेटी स्वरुप चढाउछौ। जब नकारात्मक विचार उत्पन्न हुन्छ, त्यसलाई तुरुन्त अन्त्य गरिदिनुहोस। कृपया मेरो थकित मनमा सकारात्मक सोच भरि दिनुहुन मेरा सम्पुर्ण आश तपाईं सामु राखेको छु।

जब कठिनाई, समस्या र दुविधाहरु सृजना हुन्छ तब म लगायत मेरा सम्पुर्ण परिवार, प्रियजनहरु, वातावरण र मेरा पाल्तु जनावरलाई पनि आशिष दिन अनुरोध का साथै, म मा बुद्धि आओस, आश पलाओस र शान्ति प्राप्त गर्न सकुन्।

ओ गुंबाददार गोलो टोपी, भिक्षुको त्रिबस्त्र धारक, स्वतन्त्रता, न्याय र बुद्धिमत्ताको घोतक तरवार वाह्क र इच्छापुरक गहना धारक, सबै नकारात्मकको दमनको प्रतीक महान सिंहमा विराजमान अलौकिन भगवान दोर्जे शुग्देनलाई मेरो ईच्छाहरु पूरा गर्न अनुरोध गर्दछु। मलाई थाहा छ कि मेरा ईच्छाहरु उत्कृष्ट नहोला, त्येसैले परिणामको लागि म तपाईंको बौद्धिकताको चरणमा समर्पण गर्दछु। यद्यापी यो मैले सोचे जस्तो नहुन सक्छ। दया गरेर मलाई लगायत सम्पुर्ण प्राणीहरुलाई आशिष दिनुहोस् कि हामी स्वतन्त्रताको महान शहरमा प्रवेश गर्न सकुन्।

महान भगवान दोर्जे शुग्देन, तपाईं मेरो जीवनको अंश बन्नुहोस भनि आत्मैदेखि विनम्र पुकार गर्दछु। र मेरो घरलाई आशीर्वाद दिनुहोस् र मलाई बुद्धि, सहायता र सुख दिनुहोस् ता कि म अरुको लागि विना सुचिको सेवक बन्न सकु र म अरुमा केन्द्रीत हुदै अाफ्नो र मेरा सबै प्रियजनहरुको समस्या मेटाउन सकुन्।

म दयालु, बुद्धिमान, विवेकशील, सहिष्णु र मलाई चोट पुर्याउने र माया गर्नेहरुलाई झन क्षमा दिन सक्ने बन्नको लागि मलाई आशीर्वाद दिनुहोस्। तपाईं, दोर्जे शुग्देन सामू सामिप हुन हामी सबै समर्पण गर्दछौं। हामीले स्थिर दृश्य, प्रक्षेपण र कठोरतालाई परित्याग गर्नुपर्छ। अाखिरी मा, जब म यो अस्तित्वको जहाजलाई त्यागेर अाफ्ना् सबै चिज र सबै जना पछी छाडिने छु तब मैले गरेको सकारात्मक कार्य मात्र महत्त्व राख्द छ। मलाई अहिले यसको अनुभूति र कार्य गर्न दिनुहोस्। यस महत्त्वपूर्ण क्षणमा, हे शक्तिशाली र दयालु दोर्जे शुग्देन, मलाई तपाईंको एक दृष्टि गराई, कृपया मलाई पनि तपाईं संगै लैजानुहोस्। जहाँ ज्ञान लिई मेरो अध्यात्मिक मौन यात्रा जारी राख्न सकु।

मेरो प्रार्थना पूरा गर्न र सिद्धि प्राप्त गर्न म तपाईंलाई केसर रंगिन चिया चढाउने छु। तपाईंको मन्त्र जपेर प्रेम, शान्ति, लामो जीवन, सुरक्षा र शुन्यताको उत्कृष्ट दृश्य उत्पन्न होस्।

सन्तुष्टि, शान्ति र बुद्धिमत्ताको मन्त्र:

ॐ बेन्जा विकि बिटाना स्वाहाः

प्रत्येक दिन एक माला पुरा वा बढी पटक जप्नु राम्रो हुन्छ। प्रत्येक/हरेक बर्ष १,००,००० वा बढी पटक साधना हुने ठाँउमा सहभागी हुनुसकेमा उत्तम हुनेछ।

प्राचीन संस्करण।. हाइ-रिजोल्युसन फाइल डाउनलोड गर्न फ़ोटो म क्लिक गर्नुहोस्

हाइ-रिजोल्युसन फाइल डाउनलोड गर्न फ़ोटो म क्लिक गर्नुहोस्

थप विस्तृत जानकारीका लागि:

• दोर्जे शुग्देनको उदाहरणीय कथाहरु र सजीब उपन्यास
• तिम्रो मस्तिष्कको भूमि
• एक असल साथी
• शुभ मंगोलियन साइतहरू
• तपाईं धर्म निरपेक्ष वा आध्यात्मिक हुनुहुन्छ?
• दोर्जे शुग्देन : हाम्रा व्यक्तिगत कथाहरू
• कसरी तिब्बती नेतृत्वले प्रायोजकलाई व्यवहार गर्दछन् (जिन्दक)
• ट्रोडेखाङसार –४०० बर्ष पुरानो दोर्जे शुग्देनको पुजाघर, ल्हासामा
• ईश्वरीयता (ईश्वर) लाई पुकार्नु
• मित्रले नेपालीमा भगवान दोर्जे शुग्देनका बारेमा सिकाउनुहुन्छ ।